Murati për shtesat e fëmijëve dhe pensionistëve: Nuk ka nevojë të aplikoni Qeveria e Kosovës ka ndarë 100 euro për fëmijët dhe pensionistët.
Lidhur me këtë, ministri i Financave, Hekuran Murati, ka thënë se sa i përket këtyre dy masave, nuk ka nevojë të aplikohen për ato ekzistuese në skema.
“Pra, të gjithë pensionistët, këtë të premte do ta marrin pensionin e rregullt, ndërsa në ditët në vijim, pas përgatitjeve teknike do të bëhet e ditur se kur do të bëhet bartja e 100 eurove shtesë të njëhershme.
“Në mënyrë të ngjashme, për të gjitha nënat dhe prindërit që marrin shtesa për fëmijë, do të njoftohen në ditët në vijim kur do të procesohet shtesa prej 100 euro për të gjithë fëmijët sipas skemës së rregullt që marrin për shtesat e fëmijëve. Transferimi bëhet në llogaritë ekzistuese. , kështu që as aty nuk ka nevojë të bëhen ndryshime të tjera”, ka thënë Murati.
